أصدر الديوان الملكي قرار ينص : (على منع قياده السياره لرجل منعاَ باتا و... ) !

.

.

.

يالله حي كل من درعم موضوعي يالله حي كل آبو العيآرين وين القهوه والتمر .. كيف حالكم وعلومكم آن شاء الله كل ابو علومكم تمام , تصدقون وحششتونيَ قد الدنيآ ,,
شسمه يمديكم على الموضوع أصدر الديوان الملكي قرار ينص : (على منع قياده السياره لرجل منعاَ باتا و... ) ! < آهم شئ النقط ( تسسمعَ بإسسلوب التشويق ) ..
خن آقولكم سآلفتي مع ذا الموضوع لي أسبوعين ونص يآطويلين العمر , وآنا ابي انزل هالموضوع الي عيا لا ينزل وكل يوم آقول باتسر همن اليوم قلت يابنت اسستحي على وجهتس يآالي ماتستحين ولا تختشين يالي مانيب قايل ولا ترا ابصفقتس ونزلي الموضوع < فاهمه الدعوه غلط .. وحان الوقت ونزلت الموضوع .. المهم مالكم بالطويله هيا ندرعم بالموضوع < موب تقولون قالت هيا اكيد جنوبيه

..

آصدر الديوآن الملكي القرارات التاليه :

1 / السماح بقياده المرأه للسياره ..
2 / منع الرجال من قياده السياره منعا باتا .. < عششر خطوط ع بآتا

آنا وأهلي كنا ناظر التلفزيون يوم يقولون هالقرارات طبعا انا ماصدقت .. جلست ربع ساعه فاهيه واطالع الي حولي .. وش الي صاير بالدنيا ياعالم ياهووه انا بعلم ولا بحلم خل آحد يعطين كف عشآن آقوم من الفهآوه الي سيطرت على كيآني وآفهم الي صآير .. قربت التلفزيون أبتإكد لكن راحت علي وجابو الأخبار ( آستقبل خادم الحرمين الوفد الفرنسي في السفاره الإيطاليه < لحست مخ هاالخبر خخ ) < كل ابو اخبار القناة الأولى تسسذا ,, طالعت اهلي وآنا اقولهم عيدوا لي الخبر الي قالوه من شوي ابتإكد إذا كان صدز ولا يتراوالي بس ( هماه يقولون بالمثل آن الي يبي شئ مره ويتمنى يتحقق يتخيل له آن صار هالشئ < لا عآد تقولين آمثال الله يجزآتس الجنه ) .. المهم يوم شفت اخوآني قافلتن معهم وموصلتن امينها معهم قلت لا لا آجل الخبر اكيد ومن قو الفرحه ماردني إلا التلفزيون حقنا وقمت ابوس فيه وآتحضه < مونحرفه خخخخ .. معقوله آمنيتي تحققت معقوله ياجماعه وناظرت لإخواني الثلاثه بطرف عين .. قلت هين هين يا الضبان خخخخخ

وكلها بضع دقايق إلا تدق علي بنت خالي البثره نوال :
حصيص شفتي الخبر الاليييييييييييم
آنا : أي شفته قلولتس صمخا ولا عميا لا سمح الله < الله من شين النفس
هي : وجع وراتس تسذا تحاتسيني
آنا : آندري عنتس مسسويتلي فيهآ آنتس آستخبارات فدراليه تعرفين كل ابو شئ وانتي ماعندتس ماعند جدتي ,,
هي : طيب طيب آنا ابقفل تامريني بشئ .. مير الريال الي يروح عليتس حق المكالمه حرام .. آنا : دامتس تدرين انه حرام وشوله داقتن علي
طووط طووط .. ينعن شكلها والله وقفلت الخط تقل ماصدقت خبر هالقعيطيه .. لكن هين يانوالوه ان ماطلعت هالتقفيله من خشمتس ما اكون حصيصه ..

وارجع للصاله وإلا الأهل مجتمعين ويتكلمون بمساسر ويناظروني بنظرات حاده ..
آنا : وش بلاكم اول مره تشوفوني ..
عبيد آخي الأكبر يبلغ 25 ربيعا : بس والله وجاتس ماتتمنينه يآحصيصه ..
آنا : شفت هماني اقولك ان لابد تفرج , يوم آتطلبك لي شهر توديني للسوق ولا عبرتني تقل اطرك ..
آخي الدحمي يبلغ من العمر 22 ربيعا : آسسمعي تحاتسين شباب وانتي طالعه بالسياره مهوب ازين لتس
آنا : يابوي طير عني آنت الثاني الحين انتم شايفين خششكم بالمرايه يوم تقول هالحتسي اللهم لا شماته بس ..
الدحمي : حصيصوه موب صار لتس الي تبينه قمتي تطقطقين ع راسي .. < آنا فيسي عنده بها اللحضه صار كذا [ ] < ولو نذله خخخخخخخخخخخخ
آنا : آقول تبغى شئ ابروح اتسنع واشوف لي سياره جديده ابشتريه ؟
هو : لا فآرقي عني ..
آبوي : خلاص انت وهي آعقلوا
آنا : اندري عن ولدك مسوي لي فيها الناصح ويمآ تحت السوآهي آحم آحم ..
آبوي : خلاص اقطعي الشر .. الحين وش نبي نسوي مع هالقرار الي مدري وين طلع لنا ..
امي : إي والله حسبي الله ونعم الوكيل وقامت تدعي ...
آنا : يمه يمه صبرتس وش حسبي الله وش ماوش المفروض تستانسين بدل منت ابوي عليتس كل ما وداتس وجابت الحين كل شئ بيدتس ..
آمي وتقل جاز لها حتسي ولو ( منت ابوي شينه ) اعوذ بالله : آي ماندري وين الخبريه فيه .. وناظرت لإبوي بطرف عين همن كشرت تسنها تقول الوعد بيننا < ولو مارحت بعيد عنتس يا ماما آن ماطلعت منت اخواني من عيونهم الي كل مابغيت شئ لازم اتحببهم .. آوف ماودي اتذكر الماضي المرير ابي اعيش لحضتي الحلوه
آمي : اسسمعوا سياراتكم نبي نبيعها كلها .. وبنشتري سيارتين لي ولحصه
يالبيه بس وسياره لي
آخواني وابوي كبسوا عيونهم والشرر بدا يتطاير من عيونهم
آنا : أي صدز وش نبي نسسوي بسيارتكم الي مقربعه .. بنشتري جديدات .. صراحتن ما ابي شئ يذكرني بالماضي .. لو بإخذ حدى سيارتكم كل مادخلت ابتذكر الذل الي كنت اشوفه كل يوم منكم ,,
الدحمي : ياناكره الجميلَ نسسيتي ..تذكرين يوم طلبتي آودتس المشغل قبل ثلاث السنين بتاريخ 9 / 8 وديتس ولا قلت شئ ..
ويوم بغيتي السسوق بتاريخ 6 /9 قبل سنه ودتس المغرب بعد .. ونستي يوم اجيب لتس وشاورما لتس ولصديقاتس قبل ثلاث اشهر بتاريخ 5 / 5
آنا : ينعن شكلك من قلتهن متذكرهن .. وش هالذاكره الي لك .. بعدين ما احب المنه ..
هو : قولي مششاء الله لا تصكيني بعين همن آروح فيها
مير آكشر وجهي : تف تف مششاء الله ع قوله الشآعر : من زينك آصكك عين
آمي : اقول انتي وياه اعقلوا وخلنا بالمششكله الحاليه الي مدري وشلون نبي نحله ..
آنا : لا مششكله ولا شئ .. زي ماقلتي نبيع قرابيع البيت ونشتري سيارتين ,, انا بصراحه نفسي بهلي فوشيه
آمي : الله من زين الذوق الي لتس ..
فهيد اخي الأصغر : حصيص الصراحه ذوق جيزانيه
انا : وانت احد كلمك يوم انك تدخل خشمك بكل شئ .. بعدين من حسن اسلام المرء تركه ماله يعنيه ..
هو : وجهت نظر ابديت فيها
آنا : خل وجهات نظرك لك .. قال وجهت نظر قال خخخخخخخ ..

وطيران على النت واقعد احوس بالنت بذا السيارات .. لين رسيت على هيولكس لونه فوشي < مصممه عليهآ .. وآروح لأمي واقوله قالت ابعطيتس نص المبلغ وابوتس الباقي .. وجمعت المبلغ وشريت السياره .. واسوق بشوارع الرياض واغاني عزازي مرتن تعلو ومرتن تنخفض < اجل عزازي هاه .. وآشوف هالحريم وهن يسسوقن .. وحتى المحطات جابو بنقاليات يشتغلن والمطاعم جابوا هنديات ومحلات الشنط جابوا باكستانيات يقطع اوم الفله يالبيه بس قسسم ودي اطير من الفرحه ويدق علي اخوي الدحمي :
الو حصيص
آنا : هاه
هو : الله من زين النفس وش بتس
آنا : ولا شئ وش عندك ؟
هو : لا بس ابي تجبين لي من المطعم
آنا : قل وش اخلص علي
هو : جيبي لي 6 وجبات من ماك على طريقتس عازم اخوياي بالبيت ..
آنا : معك حقهن ؟
هو : الله من القعط الي فيتس
آنا : شايفني آكد على عميان .. ع قوله الششآعر : مآعندي فلوس لك ..
هو : طيب طيب معي حقهن بس جيبي الطلب
آنا : طيب ..
واصك السماعه بوجهه ,, الله من القعط آجل اول يوم اتطلبك تدفع لي حق العسكريمات 4 ريال قلت مانيب ابوتس اصرف عليتس والحين طالبن من ماك مدري كم ويبي ادفع له الخلا والله < تبي تطلع فيهم كل حراره العشرين سنه الماضيه .. المهم واغير شريط عزازي < دبل تسسبدي واحط على راشد ..
وش جانا من ورا هالحب غير الهم غير التعب وش جانا ..

ومريت خوياتي ومطامر بذا الأسواق .. ورجعت البيت ويسستقبلني أخوي عبيد .. يالله حي اختي يالله حيها تبين قهوه شاهي الي تبينه انا بالخدمه .. انا ومتنحه وش قصه ابوه ذا < مدري ليه تذكرت نفسي يوم اول لا بغيت شئ قمت اتمصلح عنده خخخخخخخ

قال شوفي يا وخيتي انا مالي بالقرقر الواجد ولا احب المقدمات ولا الكلام الي ماله سنع كل ابو السالفه ابيتس توديني لمحل العود ودي اشتري لي عود .. انا شوي واصكه طراق
انا اقلد صوته : وديني لمحل العود ودي اشتري لي عود الله من زين الاخو الي لي وقصر صوتك لا يسمعك ابوي قسم ان تنقبر هالليله ..

عبيد : اقول انتي ووجهتس لا تكثرين هرجتس ويالله وديني .. الشرهه والله موب عليتس الشرهه علي الي معطيتس سياره ..
آنا : اقول عبيد انا موب حصيصه القديمه الي تهاوشه وتقلل من قيمته وتاكل تبن ولا تقول شئ .. لا ثم لا .. وتوديه لمحل العود لا والي براسك سوه .. تبي تشري رح اما اوديك لا يعني من قل ذنوبي عشان اكسب ذنبك .. ع قوله الشآعر : فيني نوم
عبيد : حصيصه اختي العزيزه لا تصيرين تسذا وديني ..
وسفهته < آآخ مآ آنسسى سفاهته لي آصلن من متى عبيد عطاني وجه تقل خدامه بالبيت مانيب اخته حاقرني يمال الحكه الي تمسسسكهَ .. يبي عود قال .. وطيران على غرفتي .. وخمدت
خمدتـ(ن) ثقيله وعطيته اشكل ..

.

.

ومن صباح باتسر .. آشعه الشمس البرونزيه تملئ آرجاء غرفتي .. وينتشر لون الشمس الفصفوريه زوايا الغرفه ومايخرب الاجواء الرومنسيه هذه < تسمع بالرومنسيه هي وخشتها .. إلا صوت المكيف الي يخر الإذان تقولون بالعـ(ن) بعير ,, والي زاد الطين باله طق ابوي الي تسنه يتضارب هو والباب مهوب يطقه .. حصيص قومي
- طيب طيب قايمه يبه يالله صباح خير ..
وافتح الباب والنوم يعلو رسسمات خششتي المخيسه : وش عندك يبه ؟
آبوي : صباح الخير بنيتي < اول مره بتاريخ ابوي يقول لي هالحتسي
آنا والإستغارب يملئ جبهتي : صباح النور وش عندك يبه ؟
آبوي : ابيتس تروحين تجبين خبر للبيت مابوه خبز قلت لإمتس وقالت رح قل لحصه ..
آنا : الحين مقومني من النوم ومنغص علي اومين يومي عشان خبز ,
آبوي : آي عشان خبز يعني وشلون نبي نفطر من دون خبز ..
آنا : طيب طيب آبطلع بس بشرط آبي حق المشوار
آبوي : وش هالإسستغلال ترا البقاله مهوب بعيده
آنا : يبه هماك اول تكبكب على اخواني من هالدراهم لا طلبت انت او امي منهم مشواير وراه يوم جاء علي صار استغلال .. ( وجه فيس مفقوعن تسسبده ويبي يفرغ بإي طريقه )
آبوي : طيب يالله يامي انتي روحي جيبي .. ويصير خير

,

وفي العصريه يجيني اخي الأصغر فهيد : حصيص ..حصيص
آنا : وشوله الصراخ فقعت اذني الي يسمعك يقول في اخر الشارع مهوب في نفس الغرفه ..
هو : سلامت اذنك والله ماقصصدت ياروح اخوك ..
انا من الصدممه قمت من مكاني : فهيد وش اخر كلمه قلته عده هذي ما اسسمعه إلا بالمسلسلات والروايات ..
هو : بسسم الله عليتس حسسيت بالفراغ العاطفي الي تعانين منه ..
انا وجلست : هاه أي فراغ عاطفي الحممد لله قال فراغ قال .. المهم وش تبي ؟
هو : ابي توديني لسسوق ابغى شويت اغراض
آنا : قلت لي سسوق يقطع اوم اسسلوب المصلحه الي عندك
هو : ياوخيتي من لي غيرتس بالدنيا يابعد طوايف اخوتس انتي
واقوم مرتن اخرى من الصدمه < ناويه يجيب اجلي هالإخو خخخخخخ
هو : انتي وش بلاتس كل ما قلت كلمه نطيتي عسسى الحاله ماهيب مطوله .؟
انا : هااه لا لا ميب مطوله آمر وش وين بغيت اوديك
هو : للسوق
آنا : اسسمعني يا فهيد ابوديك للسوق بس تدخل محل واحد الي بتشتري منه موب تقعد تفرفر لي بذا الأسسواق فاهم
هو : وش محل واحد من جدتس انتي ابي اغراض واجد
انا : اجل مافيه روحه انطق بالبيت آبرك لي وابرك لك
هو : خلااص خلاص محل واحد العوض ولا القطيعه ..

ورحنا للسسوق ومآدخلنا إلا محل واحد يحسسب الدنيآ فوضى , آول حتى نص محل مايودوني ,, ورجعنا البيت وتستقبلني آومي , حصيص اليوم عندنا عزيمه جهزي نفتس
آنا : عزيمه وشو
آمي : تبي تروحين ولا كيف < فديتها دكتاتوريه
آنا : لا بروح وش ماروح

آخواني وش تروحون
فهيد : اليوم آبي اروح لبيت خويي مين يوديني ..
الدحمي : واآنا ابي اروح النادي ..
عبيد : وآنا ابي اروح اشتري عود من محل العربيه للعود < آجل العربيه للعود
آنا : زي مانتو شايفين يا آخواني الإعزاء كلنا بيزي اليوم يعني طلعاتكم آجلوها
الدحمي : لاااا وين آآجلها لاازم آروح
آمي : منتب ميت لو مآرحت ..
آنا : على قوله الشآعر : خلنا نروح نلبس عشان العزيمه خخخخخخخ

عبيد : يمه مآيصصلح تسسذا جيبي سوآقه للبيت قسسم وش هذا لي كم يوم وآنا محشور فيذا لا آطلع ولا شئ تقل مسسجون
آمي : مآ آدخل في بيتي سوآقات
آنا : بعدين مآيصلح تروح معها لحالك
هو : ليه مآيصصلح ؟
آنا : هماي يوم كنت آبيكم تجيبون سوآق سويتها سسالفه تقل قايله آبنتحر ,
الدحميَ : يمه عآجبك وضعنا كذا وآحنا متعبينك كل يوم تودينا وتجيبنا مآنبي نتعبك ونبي سوآقه
آمي : سوآقه مافيه وقفلوا ع السسالفه
آنا فيسي صآر كذا [ ] < نذلـهَ خخخخخ

,,

وتممرَ آيآم وهذي حآلنا لكن ونآسسه مره لمآ تذل نآس قد ذلوك قبل , تششوف بعيونهم القهر الي كان يرتسسم على عيونك لمآ يذلونك ,,

النهآيه ,

الفوآئد :

1 / يا الأخوآن ودوا آخواتكم ولا تقعدون تذلونها وقسسم ترا شئ يقهر
2 / لا طلبت البنت شئ من آمها ولا آبوها موهب تدخل خششمك وتسسوي فيها النآصح خلك في حالك الله مير يسسلمك ,
3 / كمآ تدين تدآن يعني لا تقعد تذل آحد لا يجي يوم ويذلك ’
4 / لبى قلوبكم آتمممنى آنكم آسستمتعتوا بالقووصصـه وتراي آحبكم آقوا شئ بالدونيآََ ,

اعجبنــي’ اسلوبهاا يااحبيلهاا ملطووش لعيونكم

» قرار ترقية إمام وخطيب الحرم السديس إلى برفيسور.. ~